आउँने भयो ‘दर्पण छायाँ पछि’

सिनेपत्र/काठमाण्डाै‌

लहनाले जुरायो कि, बहानले भेटाएयो
हेरिन्जेलको सम्झना,फुटेपछि तिर्सना जिन्दगानी दर्पण छायाँ ।

चलचित्र दर्पण छायाँको यो गीत अझै पनि आम दर्शकको मनस्तिष्कमा ताजा छ । तुलसी घिमिरेको शब्द तथा रजित गजमेरको संगीत रहेको २००१ को ब्लकबस्टर यसै चलचित्र ‘दर्पण छाँया’को सिक्वेल ‘दर्पण छाँया पछि’ निर्माण हुने भएको छ । बरिष्ठ निर्देशक तुलसी घिमिरे निर्देशित फिल्म ‘ दर्पण छाँया’ आजपनि दर्शकमाझ उत्तिकै लोकप्रिय छ ।

यो फिल्म तुलसी घिमिरेको सबैभन्दा उत्कृष्ट फिल्म मध्ये एक हो । घिमिरे मात्रै नभएर यो फिल्म नायक दिलिप रायमाझी, निरुता सिंह र उत्तम प्रधानको करियरकै उत्कृष्ट फिल्म मध्येको एक हो ।

तुलसी घिमिरेले निर्देशन गर्ने भनिएता पनि फिल्मलाई उत्तम प्रधानले निर्देशन गर्ने भएका छन् । फिल्मको स्क्रिप्ट नायक उत्तम प्रधानले नै तयार पारेका हुन् । हुन त यस अघि तुलसी घिमिरेले दर्पण छायाँ २ निर्माण गरिसकेका छन् । तर यसमा दिलिपि रायमाझी, निरुता सिंह, उत्तम प्रधान कसैलाई पनि घिमिरेले लिएका छैन् । यसैले पनि होला ।यो पटक दर्पण छायाँको सिक्वललाई उत्तम प्रधान स्वयंम निर्देशनमा जुटेका ।

उत्तम सँगै नायक दिलिप रायमाझि र निरुता सिंह ‘मिलेर दर्पण छाँया’को सिक्वेल बनाउन लागेका हुन् ।

दर्पण छाँयाको कथा जहाँ अन्त्य भएको थियो, त्यहिँबाट फिल्म को कथा अगाडि बढ्नेछ । कोरोनाको कारण छायँकनमा जान ढिलाइ भएको थियो, अब स्थिति सामान्य भएपछि फिल्मको निर्माणले गति लिने कुरा नायक उत्तम प्रधानले सिनेपत्रलाई जानकारी दिएका छन् ।

“स्किृष्टको सबैकाम सकिएको छ । चलचित्रमा म, निरुता र दिपिललाई पुनः एक पटक एकै साथ देख्नु हुनेछ । हामी तीन जना मिलेरनै यो चलचित्र निर्माण गर्न लागेका हौ । यस चलचित्रमा मैले निर्देशकको भुमिका पनि बहन गर्दैछु । आशा छ, दर्पण छायाँलाई दर्शकहरुले जति मन पराऊनु भयो । त्यसरीनै ‘दर्पण छायाँ‘को सिक्वेल ‘दर्पण छायाँ पछि‘ लाई पनि मन पराऊनु हुनेछ l” उत्तमले भने ।